Izen ematea zabalik!!! Azkar ibili, urriak 23tik azaroak 3ra arte!!
ASTEBURU PASA AIAKO HARRIETAN
Informazioa Ver la página en castellanoAzaroak 20-22
Arritxulo aterpetxea
Elkarteari buruz
Bugi Bugi elkartearekin asteburu pasa Aiako Harrietan, Arritxulo aterpetxean. LH6 eta 1. Batx bitarteko gazteentzako eskaintza.
Bugi Bugi Gazteentzako Aisialdi Elkartea, izenak dioen bezala, gazteei bideratuta dagoen aisialdi eskaintza bat da, Zarautzen kokatzen dena. Bertako zein inguruko gazteei poposamen berritzaile bat egin nahi izan diegu, orain arte herrian izan ez duten aukera bat emateko. Izan ere, ohartu gara gazteentzako eskaintza falta dagoela herrian, hainbat erakunde edo ekimenek ez dutelako adin-tarte horretara bideraturiko zerbitzu handirik eskaintzen, eta horrek, haien beharrak alde batera uzten ditu.
Zer lortu nahi dugu?
Gazteen artean mendiarekiko zaletasuna eta inguruko lekuak ezagutzeko interesa falta dira, aisialdian
teknologiaren beharra nagusi da, euskal hizkuntzarekiko erakarpena ez da nahikoa eta kirolaz haratago
eskolaz kanpoko harremanak ez dira gehiegi sendotzen.
Gauzak horrela, alternatiba modura, beste aisialdi taldeetan parte hartzen duten begirale
ezberdinek bat egin dugu proiektu hau sortuz.
Nola jarduten gara lanean?
Gure aisialdi elkartean inor ez da inor baino gehiago eta denok elkarlanean dihardugu. Normala den bezala, lanak banatzen saiatzen gara, eta bakoitzak bere indarguneak erabiliz emaitza on bat atera izan ohi zaigu orain arte. Horrez gain, gure borondatez aurrera eramaten ari garen proiektu bat dela aipatu behar dugu, hau da, ez dugula irabazi asmorik. Hainbat gaztek erakutsitako interesa dela eta hasi ginen guztia eraikitzen, eta itxura oso ona hartu du. Gainera, aisialdi talde ezberdinetako begiraleak bildu garenez, guztion esperientziak oso baliogarriak egin zaizkigu prozesuan.
Gehiago jakin nahi?
Asier Egaña
Umorea tresna baliogarriena
da.
Jokin Rodano
Pirata ausarta eta
umoretsua, itsasoa konkistatu ostean lur eta mendi berriak abordatzera. Abenturarako prest? Ni
beti, txapaaaaaa!!!!
Nahia San Julian
Pikati xamarra jokutan,
saltsera edozein lekutan
Maddi Armendariz
Bizitza kantu bat dela
seriogi hartu du, udaran kantatzen pasako ditu herriak, beraz, aurten bixitan etorriko zaigu.
Ane San Julian
Itxaso Azkue
Itxasoko olatuek Bugi
Bugira ekarri naute, zuen irriparrak ikusten, guztiz naiz alaitzen!
Libe Agirre
Sherpa lanak ez baina amatxo
lanak egiten bikaina! Esperientzia ezberdinetatik igarota udaleku hauen ameslari eta zuek
ezagutzeko irrika zeharo handiz
Iñaki Azkue
Kasurik ez Aratzei! Sherpa
onena ni neu nauzue. Hala ere, ibilbidea ona izateari baino garrantzi gehiago emango diogu
bidean ondo pasatzeari
Sare Ballester
Nahiz eta mendia izan
beretzako berria, zuri aterako dizkizu irriak, gure ameslariak!
Aratz Mujika
Sherpa hoberena izateaz
gain, umorea ez da faltako berarekin! Umore ona ala txarra... bakoitzaren gustura
Ander Ortega
Urteak pasa ditu begirale
bezela aurrez-aurreko lanetan, oraingoan berriz atzeko lanetan ibiliko zaigu, udan lanpetuta
ibili ohi da beti
Iraide Mutiozabal
Ezetz esaten ez
dakienez saltsa honetan ere sartu zaigu bere poztasuna transmititzeko beti prest!!
Eskaintzak
Non: Erloko gailurrean
Noiz: 2026ko azaroaren 20tik 22ra
Kurtsoan zehar ere gauzak egiteko irrikitan geratu gara begiraleak. Behar hori asetzeko helburuarekin, Azaroaren 20tik 22ra Aiako Harrietara, Arritxulo aterpetxera, asteburu pasa joatea erabaki dugu.
Irteera hau Urola Kosta eta barnealdeko herrietako gazteei zuzenduta dago bereziki: Aia, Getaria, Orio, Zarautz, Zumaia, Aizarnazabal, Azkoitia, Azpeitia, Beizama, Errezil eta Zestoa. Adin tartea, berriz, LH6 eta 1. Batx bitartekoa izango da.
Bi egun hauetan zehar, mendian ibilbideak egin, jolasak, dinamikak eta gaubela ahaztezinak biziko ditugu Arritxuloko ingurunean. Mendiaren zalea ez zarela? Ez kezkatu, berdin berdin ondo pasako duzula ziurtatzen dizugu!
Asteburu pasa honek 35 euroko kostua izango du (bertan aterpetxea, otorduak, materiala, etab. barnebulduta). Autobusa, Azpeitia, Zumaia eta Zarauztik igaroko da.
Izena eman nahi baduzu, beheko atalean duzu horri buruzko informazio guztia argi azalduta. Izena emateko epea urriaren 23tik azaroaren 3ra arte egongo da zabalik. Anima zaitez!
Non: Ernioren magalean, lotara joan baina lehenago
Noiz: 2026 udaleku ibiltarietan
Gure elkartearen helburu nagusietako bat, udaran egiten ditugun udalekuak dira. Betiko udalekuetatik pixkat ezberdinduz, udaleku hauen erdiak mendian igarotzen ditugu, sekulako abenturak biziz.
Aurtengo kasuan, udalekuak Zarautzetik Goizuetaraino izango dira. Egunero, herriz herri eta mendiz mendi ibiltzen gara oinez. Lehenengo egunean Zarautzetik abiatuko gara denok batera, eta konturatzerako Goizuetako aterpetxean izango gara.
Lehen bost egunetan, frontoietan eta mendietan egingo ditugu egin beharrekoak: otorduak, ekintzak, gaubelak, lo... Ez kezkatu, dena lotua dugu! Ibilaldia amaitzean, Goizuetako aterpetxera iritsiko gara, onena hasi besterik ez da egin.
Udaleku hauetan, mugikorrak alde batera uzten ditugu. 10 egunak mendian eta jendez inguratuta igaroko ditugunez, ematen duena baina errazago ahazten gara gailu elektronikoetaz.
Udalekuei buruzko edozein zalantza izanez gero, lasaitasun osoz kontaktatu gurekin, webgunearen behekaldean aurkitzen den edozein bidetatik. Gure partetik, aurreko urtean udalekuetara etorri zen batenbati nola igaro zuen galdetzea gomendatzen dugu: denak aurtengo udalekuetarako irrikaz geratu ziren.
Izen ematea
Ekintzak ahalik eta merkeenak egiten saiatzen gara, horrelako esperientzia bat gazte guztientzat eskuragarria izan behar dela sinesten baitugu. Horretarako, lanean aritzen garen begirale zein arduradun guztiak %100 bolondres ibiltzen gara.
Lehenik eta behin, urriak 23tik azaroak 3ra arte, Urola Kostako eta barnealdeko herrietako (Aia,
Getaria, Orio, Zarautz, Zumaia, Aizarnazabal, Azkoitia, Azpeitia, Beizama, Errezil, Zestoa) LH6 eta
1. Batx bitarteko edozein gaztek eman dezake
izena asteburu pasan. Izen ematea gehienez 3ko taldean izan daiteke. Epea amaitzean,
izena
emandakoen kopurua aterpetxeko aforua baino handiagoa izatekotan, zozketa bat burutuko da. Orduan
jarriko gara zuekin kontaktuan eta ordainketaren prozedura azalduko da.
Epea amaitzean gehienezko
kopurura ez gainditzekotan izen ematea zabalik mantenduko da aforua bete arte.
Gazte bakoitzeko 35€
Zertan doa dirua?
- otorduak
- Arritxulo aterpetxea
- materiala
- asegurua
- materialaren garraioa
- autobusa
- ...